ACTIVIDADE Nº 15: O ORGANIGRAMA (FICHA E ACTIVIDADE DO PROXECTO)

 FICHA C-61     O ORGANIGRAMA

Imos incluir no proxecto un organigrama que describa os postos de traballo que hai na nosa empresa e o seu custo.

O organigrama é unha representación gráfica da estrutura dunha organización, é dicir, das áreas ou

departamentos que a compoñen e das relacións xerárquicas e funcionais entre os membros da mesma.

Polo tanto, pode adoptar diferentes formas. Isto depende de diversos factores, como o tamaño da

organización, os produtos que oferta, o territorio que abrangue, etc. Varía desde as estruturas máis simples,como a dun pequeno negocio familiar, cun solo centro de decisión e dous ou tres niveis xerárquicos, ata as grandes organizacións.

É posible crear organigramas con diferentes niveis de detalle. Desde os máis sinxelos, con dous niveis xerárquicos e a estrutura por áreas funcionais, ata os que representen os distintos postos de traballo, as súas funcións.

organigrama

Por exemplo, unha empresa divídese en tres áreas: administración e finanzas, produción e vendas. Existe unha Dirección Xeral que coordina todas as actividades da empresa e se coloca na cumio da xerarquía.

Cada unha destas tres áreas aglutina outras áreas, que dependen organicamente do responsable das mesmas:

− Administración e finanzas: recursos humanos, servizos internos, finanzas e administración.

− Produción: almacén e fabricación.

− Vendas: investigación de mercados e comercial.

A cantidade de departamentos, así como as relacións xerárquicas entre os mesmos, dependerán da

actividade da empresa.

É importante resaltar que:

Os niveis xerárquicos se ordenan de arriba cara a abaixo: os departamentos ou áreas no mesmo nivel teñen o mesmo rango (neste caso, por razóns de espazo, as áreas do terceiro nivel colócanse en vertical);as liñas que conectan os departamentos representan as relacións de xerarquía;

Os órganos que compoñen cada departamento poden ser unipersoais ou colexiados; así, a Dirección

Xeral pódea exercer unha persoa ou podería ser exercida por un Comité de Dirección integrado por varias persoas, que decide por maioría ou unanimidade;

As relacións xerárquicas danse entre as diferentes áreas da empresa, na medida na que teñen definidas unhas tarefas e competencias: por exemplo, no caso de que o Comité de Dirección estea composto polos responsables de Administración e Finanzas, Produción e Vendas, o responsable de produción, como tal, está vinculado ás decisións do comité aínda que pertenza ao mesmo; pode coordinar as actividades do seu departamento, mais en principio non ten autoridade sobre as persoas de nivel inferior dos outros dous departamentos.

FONTE:  (BIC GALICIA) para “Obradoiro de Iniciativas Emprendedoras” http://www.iniciativaemprendedora.org/

ACTIVIDADE Nº 15

Elaborad en word o organigrama do voso negocio, especificando os departamentos que o componen, e o número de traballadores que hai en cada un.

Para cada posto describid as funcións, tarefas e responsabilidades que terá asignadas cada traballador.

Tamén a formación e experiencia que requiere cada posto.

Como o organigrama non admite ser copiado no blog, utiliza o sistema da captura de pantalla e o pegado no paint. Logo insertade no blog como unha imaxe.

Podes consultar outros proxectos en crearempresas.com por exemplo no seguinte enlace e pinchando na área de recursos humanos.


http://www.crearempresas.com/proyectos10/ingame/ingame/index.htm

Data de presentación: Luns 16/04/2012